Análise Térmica

A análise térmica engloba o conxunto de técnicas analíticas que estudan o comportamento térmico dos materiais. Cando un material é quentado ou arrefriado, a súa estrutura e a súa composición química sofren cambios: fusión, solidificación, cristalización, oxidación, descomposición, transición, expansión, sinterización, etc.

Entre as técnicas de análise térmica temos a Termogravimetría (TG) e a Calorimetría diferencial de varrido (DSC) na unidade de caracterizacións de materias do servizo.

Na análise termogravimétrica rexístrase continuamente a variación da masa dunha mostra colocada nunha atmosfera controlada en función da temperatura ou do tempo en que aumenta a súa temperatura. Esta variación de masa pode ser debida a unha perda de masa ou unha ganancia de masa. A Termogravimetría estase usando na actualidade acoplada a outras técnicas, como por exemplo DTA ou DSC, e tamén a técnicas EGA.

A Calorimetría diferencial de varrido (DSC) é unha técnica cuantitativa que permite obter información da temperatura a que ten lugar o cambio enerxético en estudo e do calor involucrado no proceso. En DSC de fluxo de calor mídese a variación do fluxo de calor entre a mostra e a referencia cando éstas se someten a un programa de temperaturas nunha atmosfera controlada.