Unidade de Plasma Acoplado Inductivamente con Detector de Masas (ICP-MS)
O plasma de acoplamento indutivo é unha fonte de ionización a presión atmosférica. A mostra introdúcese dentro dun plasma de argon onde se leva a cabo a atomización e a ionización dos elementos en función do seu potencial de ionización. O plasma ICP produce, principalmente, ións positivos e monoatómicos (M+) que se introducen no espectrómetro de masas para a súa análise.
Mediante ICP-MS pódense detectar a maioría dos elementos e isótopos da táboa periódica a niveis moi baixos de forma rápida, inequívoca e cun tratamento previo da mostra mínimo.
Para eliminar as interferencias poliatómicas utilízase a cela de colisión/reacción que emprega unha mestura de helio e hidróxeno.
Equipamento instrumental
Sistema ICP-MS cuadrupolar X series.
Aplicacións
- Control de calidade de produtos terminados.
- Caracterización de materias primas.
- Control medioambiental: impurezas en augas potables e residuais, contaminantes en auga, cuantificación de residuos tóxicos e perigosos, análise de solos e sedimentos, análise de alimentos, etc.
- Análises toxicolóxicos de sangue e ouriños.
Requisitos das mostras
- Deben presentarse identificadas correctamente e numeradas de forma correlativa.
- Deben estar en disolución e filtradas por un tamaño de poro de un mínimo de 0,45 µm.
- As mostras sólidas requiren dixestión ácida para poñer os analitos de interese en disolución.
- Non se deben usar os ácidos H2SO4 e HCl para evitar interferencias poliatómicas.
- Non se poden analizar mostras que conteñan HF (xa que poden deteriorar o equipo), polo que o HF debe ser eliminado das mostras previamente.
- O contido das mostras en sólidos totais disoltos non debe ser superior ó 0.2% para evitar a obstrución do nebulizador.
- Ademais, debe indicarse a concentración aproximada dos elementos na mostra por se fora necesario diluíla.
Máis información
Cristina Pérez Novo – Sandra Gil Casal
+34 988 387 414