Cromatografía de Gases

A Cromatografía de Gases (GC) é unha técnica de separación e caracterización de mesturas complexas amplamente empregada debido a súa versatilidade, e tamén polo seu amplo campo de aplicación en tódalas ramas da Ciencia.

Na Cromatografía de Gases os compostos dunha mostra vaporizada son separados mediante un proceso de reparto entre una fase móbil gaseosa e una fase estacionaria fixada nunha columna. A función da fase móbil gaseosa é a de transportar os analitos a través da columna. É un gas inerte e polo tanto non interactúa no proceso.

Podemos clasificar a Cromatografía de Gases segundo o método de separación:

• Cromatografía gas-líquido: A fase estacionaria é un líquido fixado sobre un recheo sólido inerte ou fixado nas paredes dunha columna capilar. A maior parte das aplicacións realízanse mediante este proceso.
• Cromatografía gas-sólido: A fase estacionaria é sólida e a retención realízase mediante mecanismo de adsorción. O proceso de adsorción no é lineal e a aplicación deste mecanismo presenta moitas limitacións.

Unha vez separados, os compostos son detectados empregando un detector determinado, xerando un sinal característico que depende tanto do tipo de composto como da súa concentración. A representación gráfica do sinal fronte o tempo de retención dos compostos denomínase cromatograma.